Click to View Notice

धि गोवा हिंदु असोसिएशन मुंबई या संस्थेच्या विद्यमाने दरवर्षी महाराष्ट्र राज्य शिक्षण मंडळ व गोवा राज्य शिक्षण मंडळाच्या माध्यमिक व उच्च माध्यमिक परीक्षांत वेगवेगळ्या विषयात सर्वाधिक गुणांनी उत्तीर्ण होणाऱ्या गोमंतकीय विद्यार्थ्यांसाठी पारितोषिके देण्यात येतात. पारितोषिकासाठी पात्र असणाऱ्या विद्यार्थ्यांनी संयुक्त कार्यवाह धि गोवा हिंदु असोसिएशन, ३५८ गोमंतधम, डॉ भडकमकर मार्ग , मुंबई ४००००७ यांच्याशी संपर्क साधून फॉर्म मागववेत व ते भरून ३१ जुलै २०२२ पर्यंत पाठवावेत.

धि गोवा हिंदु असोसिएशन मुंबई, या संस्थेच्या विद्यमाने गरजू व होतकरू गोमंतकीय विद्यार्थ्यांना, इ १० वी पासून उच्च माध्यमिक, बी.ए, बी.कॉम, बी. एससी, तसेच डिप्लोमा कोर्सेस, पोस्ट ग्रेजुएट, वगैरे अभ्यासक्रमासाठी साधारण शिष्यवृत्ती तसेच अभियांत्रिकी, फार्मसी, वास्तुशास्त्र, कृषी इंजिनिअरिंग, तंत्रज्ञान, वैद्यक, दंतवैद्यक, भारतीय तत्त्वज्ञान या पदवीधर अभ्यासक्रमांसाठी विशेष शिष्यवृत्ती दर वर्षी देण्यात येतात.२०२२-२०२३ सालाकरिता देण्यात येणाऱ्या या शिष्यवृत्तीसाठी, अर्ज मागविण्यात येत आहेत.
अधिक माहिती साठी...

धि गोवा हिंदु असोसिएशन या संस्थेतर्फे, पद्मश्री कविवर्य बा.भ. बोरकर यांच्या स्मरणार्थ देण्यात आलेल्या देणगीतून ‘पद्मश्री कविवर्य बा.भ. बोरकर’पुरस्कार, नवोदित गोमंतकीय कवी/ साहित्यिकास दर वर्षी दिला जातो. या वर्षी देण्यात येणाऱ्या पुरस्कारासाठी, १ एप्रिल २०२० ते ३१ मार्च २०२२, या काळात प्रकाशित झालेल्या पुस्तकांच्या प्रत्येकी तीन प्रती, प्रकाशकांनी १५ जून, २०२२ पर्यंत धि गोवा हिंदु असोसिएशन, गोमंतधाम, ३५८, डॉ भडकमकर मार्ग, मुंबई ४००००७ या कार्यालयाच्या पत्यावर पाठवाव्यात. हस्तलिखितांचा विचार केला जाणार नाही. तज्ज्ञाची निवड समिती पुरस्कारासाठी योग्य व पात्र कवी/ साहित्यिकाची निवड करील. शाल, श्रीफळ, स्मृतिचिन्ह व रोख रक्कम असे पुरस्काराचे स्वरूप असून, संस्थेच्या होणाऱ्या वर्धापनदिनी पुरस्कार विजेत्याचा सत्कार करण्यात येईल.

डॉ. सुभाष भेंडे यांनी धि गोवा हिंदु असोसिएशनला दिलेल्या देणगीतून १ एप्रिल २०२० ते ३१ मार्च २०२२ या काळात प्रकाशित झालेल्या सर्वोत्कृष्ट अनुवादित पुस्तकास प्रा. जी. ए. कुलकर्णी पुरस्कार व सर्वोत्कृष्ट नाट्यसंहितेस शशिकांत नार्वेकर पुरस्कार देण्यात येणार आहेत. प्रा. जी.ए. कुलकर्णी पुरस्कारासाठी कुठल्याही पश्चात्य व भारतीय भाषांतून मराठी भाषेत अनुवादित झालेल्या पुस्तकांचा विचार करण्यात येईल. शशिकांत नार्वेकर पुरस्कारासाठी सर्वोत्कृष्ट मराठी नाट्यसंहिता पात्र ठरेल. शाल, श्रीफळ, स्मृतिचिन्ह व रोख रक्कम असे या दोन्ही पुरस्कारांचे स्वरूप असून, तज्ज्ञांची निवड समिती सर्वोत्कृष्ट अनुवादित पुस्तकाची व सर्वोत्कृष्ट नाट्यसंहितेची निवड करेल. संस्थेच्या होणाऱ्या वर्धापनदिनी पुरस्कार विजेत्यांचा सत्कार करण्यात येईल. प्रकाशकांनी वरील काळात प्रकाशित केलेल्या अनुवादित पुस्तकांच्या व नाटकांच्या प्रत्येकी तीन प्रती १५ जून, २०२२ पर्यंत धि गोवा हिंदु असोसिएशन, गोमंतधाम, ३५८, डॉ. भडकमकर मार्ग, मुंबई ४०० ००७ या कार्यालयाच्या पत्यावर पाठवाव्यात. हस्तलिखितांचा विचार केला जाणार नाही.

"धी गोवा हिंदू असोसिएशन" मुंबई या संस्थेच्या विद्यमाने दरवर्षी महाराष्ट्र राज्य शिक्षण मंडळ व गोवा राज्य शिक्षण मंडळाच्या माध्यमिक व उच्च माध्यमिक परीक्षांमध्ये वेगवेगळ्या विषयात सर्वाधिक गुणांनी उत्तीर्ण होणाऱ्या गोमंतकीय विद्यार्थ्यांना पारितोषिके देण्यात येतात. पात्र विद्यार्थ्यांनी संयुक्त कार्यवाह, 'धी गोवा हिंदू असोसिएशन', गोमंतधाम, ३५८, डॉ. भडकमकर मार्ग, मुंबई ४००००७, दूरध्वनी- २३८७३०८१ येथे संपर्क साधावा.